Երիտասարդացնող դիմակ. առաջարկում են անգլիացի կոսմետոլոգները

192

Բոլոր կանայք ցանկանում են իրենց տարիքից ավելի երիտասարդ երևալ, իսկ դրա համար  հարկավոր է ճիշտ խնամել դեմքի մաշկը: Անգլիացի կոսմետոլոգների առաջարկած այս դիմակը մաշկի բոլոր տեսակների համար է: Այն սնուցում և խոնավեցնում է մաշկը, կարգավորում է արյան շրջանառությունը՝ նպաստելով  մաշկի երիտասարդացմանը:

Հարկավոր է վերցնել 3 բաժակ, մեկի մեջ կիսով չափ բուսական յուղ և բլենդերով աղացած վարսակաձավար լցնել, մյուսի մեջ՝ քերած խնձոր, կես կիտրոնի հյութ և  1 թեյի գդալ մեղր, երրորդի մեջ՝ կեֆիր և մեկ թեյի գդալ մանր աղ:

Հարկավոր է լվացվել, առաջին բաժակի պարունակությունը քսել երեսին, 2 րոպեի չափ մերսել դեմքը, թողնել 5 րոպե, ապա   քսել երկրորդ բաժակի պարունակությունը, կրկին մերսել 2 րոպեի չափ և թողնել 5 րոպե:

Երեսը հարկավոր է լվանալ գոլ ջրով, ապա քսել երրորդ բաժակի պարունակությունը և թողնել 10 րոպե:

Երեսը դիմակի հետքերից մաքրելուց հետո   լավ կլինի լվացվել երիցուկի թուրմով, ապա գիշերային կրեմ քսել:

Աղբյուրը՝ Life.panorama.am

Facebook Comments