Սուրճով դիմակներ մազերի համար

88

Եթե Դուք ունեք բաց երանգավորման մազեր, ապա սուրճից պատրաստված դիմակները Ձեզ համար չեն, քանի որ այն հիանալի բնական ներկող միջոց է։ Շիկահերներին նույնպես խորհուրդ չի տրվում օգտագործել նման դիմակներ, քանի որ նրանց համար գոյություն ունի հինա եւ խնամքի շատ այլ միջոցներ։ Իսկ ահա թխահերների համար սուրճից պատրաստված դիմակները հենց այն է, ինչ իրենց պետք է, քանի որ սուրճը ոչ միայն խնամում է մազերն ու գլխամաշկը, այլեւ թարմացնում է մազերի գույնը։

Նման դիմակներ պատրաստելու համար պետք է օգտագործել առանց որեւէ հավելումներ ունեցող մանր աղացած սուրճ։ Եվ պետք է հաշվի առնել այն հանգամանքը, որ սուրճն ունի գունավորող հատկություններ, այդ պատճառով այս դիմակները պետք է օգտագործեն միայն թխահերները։

Սուրճից պատրաստված դիմակ՝ մազերն ամրացնելու համար

Այս դիմակը պատրաստելու համար ընդամենը անհրաժեշտ է երկու կամ երեք թեյի գդալ բնական աղացած սուրճ, կես լիտր եռացրած ջուր եւ մի փոքր ժամանակ՝ ստացված զանգվածը զովանալու համար։ Դիմակը պետք է քսել չոր մազերին՝ մեծ ուշադրություն դարձնելով արմատներին։ Դիմակը պետք է թողնել մոտ կես ժամ. այս ընթացքում ցանկալի է, որպեսզի գլուխը ծածկված լինի, իսկ 30 րոպե անց մազերը կարելի է լվանալ։

Սուրճից պատրաստված բուժիչ դիմակ

Նման դիմակը ոչ միայն ունի բուժիչ հատկություններ, այլեւ կարող է մազերին թարմություն եւ փայլ հաղորդել։ Այն պատրաստելու համար անհրաժեշտ է մեկ թեյի գդալ սուրճը լցնել մեկ ճաշի գդալ եռացող ջրի մեջ, ավելացնել երկու ձվի դեղնուց եւ զգուշորեն խառնել։ Դիմակը պետք է քսել մի փոքր խոնավ մազերին, իսկ 10 րոպե անց լվանալ այն տաք ջրով։

Աղբյուրը՝  maska-maska.ru

Աղբյուրը՝ Style.news.am

Facebook Comments