«Փակեցի աչքերն ու տարա այնտեղ, որտեղ սպասում էին բոլոր հյուրերը». Գոռի ծննդյան առթիվ Մարիամի անակնկալ խնջույքը և դերասանի զարմանքը

    6046

    Երեկ դերասան Գոռ Համբարձումյանի ծննդյան օրը սիրելին՝ Մարիամը, անհավանական հեքիաթի է վերածել: Վաղ առավոտից դերասանը նույնիսկ չի էլ իմացել, թե իրեն ինչեր են սպասում ողջ օրվա ընթազցքում: Ծննդյան օրվա մանրամասներն ու լուսանկարները Մարիամը վստահել է ShowBiz.am-ին:

    «Գոռն իմ ծննդյան օրը հեքիաթի էր վերածել, և ես չէի պատկերացնում, թե ինչ պետք է անեմ, որ առավել զարմացնեմ ու երջանկացնեմ նրան: Գոռը երբևէ իր ծննդյան օրը չի նշել բարեկամների ու հարազատների հետ, և ես որոշեցի հրավիրել բոլոր այն մարդկանց, ովքեր նրան իրոք հարազատ են: Գաղտնի հրավիրեցի նրա և իմ ծնողներին, հարազատներին և մեր ընդհանուր ընկերներին»:

    Մարիամը դեռ կեսգիշերին շնորհավորում է սիրելիին, բոլորով ուրախանում են և նշում: «Ես նրան դեռ կեսգիշերին ասացի, որ վաղը ամբողջ օրը ինձ հետ է լինելու և միայն երկուսով ենք նշելու: Նա հավատաց և առավոտից եկել էր մեր տուն ու անհամբեր սպասում էի, թե այդ ուր պետք է տանեմ իրեն: Գոռին բավականին երկար սպասեցնելով՝ փակեցի աչքերն ու տարա այնտեղ, որտեղ սպասում էին բոլոր հյուրերը»:

    Մարիամի խոսքով՝ ինքն անչափ հուված էր և երջանիկ. «Սիրելիին երջանկացնելն ու նրա աչքերի փայլը տեսնելը ամեն ինչից վեր է»:

    Ի վերջո, հասնելով Մարիամի ընտրած վայրը, բացում են Գոռի աչքերը. «Աննկարագրելի էր Գոռի հուզմունքը: Նա ուրախությունից բարձր գոռում էր, չէր հավատում: Մինչև հիմա էլ չի հավատում, որ երեկ նման բաներ են եղել»,-պատմում է Մարիամը:

    Ինչպես Մարիամն է նշում, երեկոն անցել է հրաշալի, իսկ բոլոր հրավիրվածները անհոգ պարում ու ուրախանում էին. «Շատ շնորհակալ եմ բոլոր մեր մտերիմներին, որ մեզ հետ հավասար ուրախանում էին. սիրում ենք ձեզ շատ և ուրախ ենք, որ ունենք ձեզ», – ասում է դերասանուհին, ապա հավելում, որ խնջույքը կազմակերպելու հարցում իրեն օգնել են Գոռի ընկերները և արել ամեն ինչ իրենց ընկերոջ օրը տոն դարձնելու համար:

    «Իսկ այս ողջ պատմության մեջ ամենածիծաղելին այն էր, որ նա որոշել էր իր ծնունդը հաջորդ օրը՝ նոյեմբերի 7-ին նշեր, քանի որ 6-ին միասին էինք լինելու: Բոլոր ընկերներին ասել էր, որ ամսի 6- ին Մարիամի հետ եմ նշում, իսկ 7-ին ձեզ հետ կնշեմ»,- երափակեց դերասանուհին:

    Նյութը՝ Կիմա Միրզոյանի

    Լուսանկարները տրամադրել է Մարիամ Ալեքսանյանը

     

     

    Facebook Comments