Այսօր լույս աշխարհ է եկել երգահան Մանե Հակոբյանի երրորդ երեխան։ Մանեն դուստր է ունեցել, որին նա և ամուսինը տվել են Վանե անունը։
Մանեի ավագ դուստրը՝ Անահիտը, 10 տարեկան է, որդին՝ Վալերին, 8 տարեկան է։ Tert.am Life-ի հետ զրույցում Մանեի քույրը՝ երգչուհի Սիլվա Հակոբյանն ասել է, որ քույրն ու փոքրիկն իրենց լավ են զգում, սակայն նրանց դեռ չեն տեսակցել անվտանգության նկատառումներից ելնելով։
«Պետք է 4 օր սպասենք հիվանդանոցից դուրս գրվելուն, բայց կարևորն իրենց առողջությունն է»,- ասել է Սիլվան։
Երգչուհին նշել է, որ իրենց ընտանիքում երջանկություն է ու ոգևորությամբ հավելել է․ «Մեզ մոտ կարծես ավանդույթ լինի, որ 2 տարին մեկ մեր ընտանիքում պիտի երեխա ծնվի։ Իմ, քրոջս և եղբորս երեխաները միշտ երկու տարվա տարբերությամբ են ծնվել»։
