Variety պարբերականը հրապարակել է Հոլիվուդի ամենաբարձր վարձատրվող դերասանների ցանկը։
Այն գլխավորում է Դենիել Քրեյգը, որը 100 միլիոն դոլար է վաստակել Ռայան Ռեյնոլդսի «Հանել դանակները» ֆիլմի երկու մասում մասնակցության համար։ Գումարի չափը բացատրվում է նրանով, որ «Netflix» սթրիմինգային ծառայությունը փոխհատուցում է գումարները, որոնք արտիստը կարող էր վաստակել, եթե նախագծերը ցուցադրվեին միայն կինոթատրոններում։
Երկրորդ տեղը զբաղեցրել է Դուեյն «Ժայռ» Ջոնսոնը, որի հոնորարը «Կարմիր ծանուցում» ֆիլմում կարող է կազմել 50 միլիոն դոլար։ Երրորդ տեղը կիսում են Ուիլ Սմիթն ու Դենզել Վաշինգթոնը․ երկուսն էլ 2021թ․-ին 40 միլիոն դոլարի չափով հոնարար են ստացել։ Սմիթը նկարահանվել է «Ռիչարդ արքա», իսկ Վաշինգթոնը՝ «Սատանան մանրուքներում է» ֆիլմում։
Տասնյակում ներառվել են նաև Լեոնարդո դի Կապրիոն, Մարկ Ուոլբերգը, Ջենիֆեր Լոուրենսը, Ջուլիա Ռոբերտսը, Սանդրա Բալոկը և Ռայան Գոսլինգը։
