25-ամյա Աննա Զավորոտնյուկը հիասթափված է Met Gala-ի հայտնիների հանդերձանքով: Աղջիկը քննադատել է Ջենիֆեր Լոպեսին և շոու բիզնեսի այլ աստղերին իրենց կերպարների համար:
Տարվա գլխավոր նորաձևության իրադարձությունը՝ Met Gala 2021-ը, անցկացվել է Նյու Յորքի Մետրոպոլիտեն թանգարանում: Այս անգամ դրես-կոդը ենթադրում էր, որ միջոցառման հյուրերն իրենց արտաքինում կօգտագործեն ամերիկյան ոճի տարրեր: Այնուամենայնիվ, արտիստների մեծ մասն անտեսել է այս պայմանը: Բայց նույնիսկ ընտրության ազատությունը չի կարողացել փրկել որոշ աստղերի նորաձևության ձախողումներից:
50-ամյա Անաստասիա Զավորոտնյուկի դուստրը հետևել է Met Gala-ի իրադարձություններին և հիասթափություն ապրել հայտնիների տեսքից: Աննային դուր չի եկել Մեգան Ֆոքսի հանդերձանքը, ով կրել է կարմիր գույնի զգեստ, իսկ սանրվածքը, ըստ երգչուհու դստեր, ուղղակի սարսափելի է եղել: Աննան դժգոհել է նաև Ռիհաննայի հանդերձանքից՝ անվանելով այն «անհասկանալի պարկ» և նշել, որ երգչուհին միայն թաքցրել է իր գեղեցկությունն այս ծավալուն սև զգեստի մեջ:
Ինստաաստղը Նատալյա Բրայանտի զգեստը համեմատել է Զատկի ձվի հետ, իսկ Լուրդես Լեոնին անվանել է մեծահասակների համար նախատեսված կոնտենտի անիմատոր։
Աննան չի անտեսել նաև Քիմ Քարդաշյանին, ով միջոցառմանը եկել էր սև հանդերձանքով և ամբողջովին ծածկել դեմքը: Նրա կերպարը համացանցում բազմաթիվ հումորների տեղիք է տվել: «Իմ կարծիքով, Քիմն ամենալավն է հագնված: Գիտե՞ք՝ ինչու: Քանի որ նա չի տեսնում իր շուրջը տիրող ամբողջ աղբը»,- հեգնանքով նշել է «Իմ գեղեցիկ դայակ» հեռուստասերիալի աստղի դուստրը:
