Met Gala-ի կարմիր գորգին Ջասթինը ձեռքը դրել է Հեյլիի փորին, ինչպես սովորաբար անում են հղի կանանց ամուսինները:
Ջասթին և Հեյլի Բիբերների երկրպագուները կարծում են, որ զույգը երեխայի է սպասում: Խոսակցությունների պատճառը Met Gala-ի կարմիր գորգն է եղել. լուսանկարվելով պապարացիների առջև, Ջասթինը ձեռքը դրել է Հեյլիի որովայնին, ինչպես սովորաբար անում են հղի կանանց ամուսինները:
Ամուսինները չեն թաքցնում այն փաստը, որ երեխաներ են ուզում ունենալ, Ջասթինը նույնիսկ երազում է բազմազավակ հայր դառնալու մասին. ինքն՝ արտիստը այդ մասին ասել է հեռուստահաղորդման ժամանակ՝ հավելելով, թե քանի երեխա կունենան իրենք, կորոշի մոդելը, այլ ոչ թե ինքը: Հեյլիի հղիության մասին խոսակցություններ հայտնվել են նաև նախկինում. այդ անգամ դրանց տեղիք է տվել երգիչը: Ավելի ուշ նա խոստովանել է, որ դա ապրիլմեկյան կատակ է եղել, սակայն շատ երկրպագուներ Ջասթինի կատակը դաժան են համարել նրանց նկատմամբ, ովքեր ցանկանում են, բայց չեն կարողանում երեխաներ ունենալ:
Սեպտեմբերի 14-ին 27-ամյա Ջասթինը և 24-ամյա Հեյլին նշեցին իրենց ամուսնության երրորդ տարեդարձը:
