Ամերիկացի ռեփեր Քանյե Ուեսթը դավաճանել է իր կնոջը՝ Քիմ Քարդաշյանին «երգչուհու հետ»: Այս մասին հայտնում է The Sun-ը՝ հղում անելով ընտանիքին մոտ կանգնած աղբյուրին:
Քիմի համար դա դժվար էր, դավաճանությունը տեղի է ունեցել անմիջապես այն բանից հետո, երբ նա լույս աշխարհ է բերել իրենց հինգերորդ որդուն՝ Սեյնթին:
Աղբյուրի համաձայն՝ Քիմն իրեն ավելորդ էր զգում՝ «կրծքով կերակրելը, ավելորդ քաշը, երեխան ննջարանում, առավոտյան վարժություններ և այլն», բացի այդ, Քանյեն հաճախ էր ուշ տուն գալիս:
«Քիմի համար դժվար էր, քանի որ նա նոր էր ծննդաբերել, պայքարում էր և կարծում էր, որ ամեն ինչ իր արտաքին տեսքի պատճառով է. դա մեծ ազդեցություն ունեցավ նրա վրա»,- նշում է աղբյուրը:
Նա պարզաբանել է, որ այն ժամանակ Քանյեն հիմնականում ապրում էր Հոլիվուդում գտնվող իր առանձին բնակարանում, քանի որ այն ավելի մոտ էր իր արվեստանոցին, և չէր շտապում տուն վերադառնալ Քիմի և նորածնի մոտ:
«Նրանց համար, ովքեր մոտ էին Քանյեի հետ՝ գաղտնիք չէր, որ նա դավաճանել էր կնոջը երեխայի ծնվելուց հետո»,- ասել է աղբյուրը: