Հայտնի թենիսիստուհի Սերենա Ուիլյամսը նշել է 40-ամյակը

Թենիսի Մեծ Սաղավարտերի 23-ակի հաղթող Սերենա Ուիլյամսը երեկ տոնել է ծննդյան 40-րդ տարեդարձը, հայտնում է armsport.am-ը:

Նրանից շատ՝ 24 անգամ, միայն Մարգարետ Կորտն է տիրել Մեծ Սաղավարտի տիտղոսներին:

Սերենան 2 անգամ անընդմեջ հաղթել է Մեծ Սաղավարտի 4 տիտղոսները: Նա նաև 16 անգամ Մեծ Սաղավարտի տիտղոս հաղթել է զուգախաղում: 4 անգամ հաղթել է Օլիմպիական խաղերում: Ընդհանուր առմամբ, մենախաղում ունի 73 տիտղոս:
Ուիլյամս կրտսերը 319 շաբաթ եղել է առաջին ռակետ:

Սերենա Ուիլյամսն ամուսնացած է արմատներով հայ գործարար Ալեքսիս Օհանյանի հետ․ զույգը մեկ դուստր ունի` Օլիմպիան։