Ռուս հեռուստահաղորդավարուհի և երգչուհի Օլգա Բուզովան Իրինա Բեզրուկովայի յութուբյան ալիքին տված հարցազրույցում ասել է, որ նա իսկապես ցանկանում է նկարահանվել ֆիլմերում և արդեն իսկ հասցրել է մասնակցել հոլիվուդյան մի ֆիլմի նկարահանումների:
«Ես ձեզ մի գաղտնիք կասեմ, ես վերջերս մի փոքրիկ դրվագ եմ խաղացել հոլիվուդյան ֆիլմում»,- ասել է Բուզովան: Նրա խոսքով` այն լիամետրաժ ֆիլմ է, որը կցուցադրվի նաև Ռուսաստանում: Միևնույն ժամանակ, ֆիլմի անվանումը և ռեժիսորի անունը Բուզովան նախընտրել է գաղտնի պահել: Ըստ ռուս աստղի՝ նա անկեղծորեն կարծում է, որ հոլիվուդյան կինոյի նկարահանումներին մասնակցելը «կինոինդուստրիայի մեծ ապագայի փոքր սկիզբն է»:
Բուզովան հիշեցրել է նաև, որ նախկինում ևս նկարահանվել է ֆիլմերում: 2017 թվականին նա հայտնվել է Կիրիլ Պլետնևի «Жги!» ֆիլմում՝ մարմնավորելով ինքն իրեն:
