Բիլ Գեյթսի ավագ դուստրն ամուսնացել է. միլիարդատերը 2 մլն դոլար է ծախսել (լուսանկարներ)

Բիլ և Մելինդա Գեյթսերի ավագ դուստրը՝ Ջենիֆերը, ամուսնացել է եգիպտոսցի հեծանվորդ Նայել Նասարի հետ: Հարսանիքը տեղի է ունեցել Նյու Յորքի Վեստչեսթեր կալվածքում, հայտնում է Daily Mail- ը:

Ինչպես նշում է թերթը, տոնակատարությունը տևել է մի քանի օր: Ուրբաթ՝ հոկտեմբերի 15-ին, զույգն ամուսնացել է մահմեդական ավանդույթների համաձայն, իսկ շաբաթ նրանք կազմակերպել են աշխարհիկ երեկույթ, որի լուսանկարները տարածվել են սոցիալական ցանցերում:

Նշվում է, որ հարսանիքը Գեյթսերին արժեցել է երկու միլիոն դոլար: Կալվածքում հանդիսավոր խնջույքի համար կառուցվել է տաղավար և պատվիրվել են մի քանի բեռնատար ծաղիկներ:

Ջենիֆերը տոնակատարության համար ընտրել էր Vera Wang երկու զգեստ: Նրան ուղեկցել է ինը հարսնաքույր:

Հյուրերին զվարճացրել է հանրահայտ Coldplay ռոք խումբը: Հարսի առաջին պարը հոր հետ եղել է Էլթոն Ջոնի Can You Feel The Love Tonight երգի ներքո:

Հյուրերի անվտանգությունն ապահովել է թիկնապահների ջոկատը: Բացի այդ, ոստիկանությունը փակել է ամբողջ տարածքը և դեպի Գեյթսերի տուն տանող ճանապարհը: