Ամերիկացի երգչուհի Մադոննան մասնակցել է ամերիկացի դերասանուհի Մերիլին Մոնրոյի ինքնասպանությանը նվիրված նկարահանումներին, որի ժամանակ արված կադրերը ներկայացնում է Page Six պարբերականը:
Քննադատները կարծիք են հայտնել, որ 63-ամյա երգչուհու նկարահանումներն անտեղի և անպարկեշտ են եղել:
«Ինչ-որ հիվանդագին և սարսափցնող պատճառով Մադոննան որոշել է վերստեղծել Մերիլին Մոնրոյի մահվան մահիճը»,- նկատել է նրանցից մեկը:
Մադոննան Մոնրայի կերպարով նկարահանվել է V Magazine ամսագրի համար՝ զարդարելով հերթական համարի շապիկը:
Մոնրոյին մոտ 60 տարի առաջ մահացած էին հայտնաբերել իր տանը: 36-ամյա դերասանուհին մահացել էր բարբիտուրատների չարաշահումից:
