Սուպերմոդել Սինդի Քրոուֆորդի դուստրը՝ մոդել Կայա Գերբերն ու դերասան Ջեյքոբ Էլորդին վերջ են տվել իրենց հարաբերություններին։ Այս մասին հայտնում է Just Jared-ը։
Նշվում է, որ մեկ տարի համատեղ կյանքից հետո «Հոլիվուդի ամենագեղեցիկ զույգը» բաժանվել է խաղաղ կերպով։
20-ամյա մոդելի և 24-ամյա դերասանի հարաբերությունների խզման պատճառը հայտնի չէ։ Նրանք իրենք դեռ չեն մեկնաբանել այս տեղեկությունը։
Ինչպես նշում են արտասահմանյան լրատվամիջոցները, աստղերի խնդիրների առաջին նշանը եղել է Ջեյքոբի գրեթե բոլոր լուսանկարների անհետացումը Կայայի Ինստագրամի էջից։ Նախկինում նա հաճախ էր նկարներ հրապարակում սիրելիի հետ։ Միևնույն ժամանակ, հայտնիները դեռևս բաժանորդագրված են միմյանց։
