ABC հեռուստաալիքը հրապարակել է դերասան Ալեք Բոլդուինի առաջին հարցազրույցի հատվածները՝ «Ժանգը» ֆիլմի նկարահանման հրապարակում տեղի ունեցած նկարահանման միջադեպից հետո, որը հանգեցրեց օպերատոր Գալինա Հաթչինսի մահվանը։
Հարցազրույց վարող Ջորջ Ստեֆանոպուլոսի հարցին, թե ինչու է դերասանը սեղմել ատրճանակի ձգանը, չնայած այն չկար սցենարի մեջ, Բոլդուինը ասել է. «Ձգանը չի քաշվել։ Ես չեմ սեղմել այն»: Դերասանը նաև շեշտել է, որ ինքը «պատկերացում չունի», թե ինչպես է գնդակը հայտնվել ատրճանակի մեջ։
Լրագրողի հարցին՝ «Նշանակում է՝ դուք երբեք չեք քաշել ձգանը», Բոլդուինը պատասխանել է․ «Ոչ, ոչ, ոչ, ոչ։ Ես երբեք ատրճանակ չէի ուղղի որևէ մեկի վրա և սեղմի ձգանը։ Երբեք»։
Չկարողանալով զսպել արցունքները՝ Բոլդուինը հիշել է հանգուցյալ Գալինա Հաթչինսին որպես «բոլորի կողմից սիրված» անձնավորություն։ Նա նաև նշել է, որ կապ է պահպանում ընտանիքի հետ և ակտիվորեն համագործակցում է ոստիկանության հետ, ամեն ինչ անում է տեղի ունեցածի վրա լույս սփռելու համար։
