Բիլլի Այլիշը հարցազրույց է տվել՝ 5-րդ անգամ պատասխանելով նույն հարցերին

Vanity Fair-ը հինգերորդ ամենամյա հարցազրույցն է անցկացրել ամերիկացի երգչուհի Բիլլի Այլիշի հետ, որում աստղը պատասխանել է նախորդ հարցերին և ինքն իրեն նայել անցյալում:

Մազերը սպիտակ ներկած Բիլլին հայտնել է, որ հիմա իրեն ավելի քիչ են նկատում փողոցում, քան նախկինում: Երգչուհին նաև պատմել է, որ 2016 և 2017 թվականներին իր հարցազրույցներում ստել է, որ չի վախենում արտաքին ճնշումներից՝ փորձելով հոգեբանորեն պաշտպանել իրեն:

Խոսելով 2022 թվականի Բիլի Այլիշի մասին՝ նա ասել է, որ ինքն իրեն կառաջարկեր ցանկացած պահ ավելի գնահատել և հասկանալ, որ մարդիկ ստեղծված են հարմարվելու իրենց միջավայրին: Երգչուհին դա ընդգծել է այն սթրեսի ֆոնին, որն ապրում էր COVID-19 համաճարակի ժամանակ, երբ շատ համերգներ պետք է չեղարկվեին, և պարզ չէր, թե ինչպես է կառուցվելու կյանքը ապագայում:

Նախորդ բոլոր հարցազրույցներում, երբ նրան հարցրել են իր սիրելի ֆիլմի մասին, Բիլլին նշել էր  Fruitvale Station-ը, բայց այս անգամ նա ասել է, որ իրեն շատ է տպավորել «I Am The Beginning» գիտաֆանտաստիկ ֆիլմը, որի ռեժիսորը Մայք Քեհիլն է:

Հարցազրույցը  YouTube-ում հավաքել է ավելի քան 3,5 միլիոն դիտում մեկ օրում: