ABBA-ն նոր սուրբծննդյան տեսահոլովակ է ներկայացրել

Շվեդական ABBA փոփ-խումբը տեսահոլովակ է ներկայացրել Little Things սուրբծննդյան սինգլի հիման վրա, որը տեղ է գտել Voyage անվանումն ստացած նոր ալբոմում:

«Վերջապես ժամանակն է ABBA-ի և Little Things-ի սուրբծննդյան սինգլի նոր տեսահոլովակի հետ ընկղմվել տոնական տրամադրության մեջ»,- Корреспондент-ի փոխանցմամբ՝ ասվում է երաժշտական խմբի թվիթերյան հաղորդագրության մեջ:

Տեսահոլովակում մի խում դպրոցականներ, ոգևորվելով լեգենդար խմբի վերադարձով, կազմակերպում է սեփական ABBA-շոուն: Հաղորդվում է, որ նոր տեսահոլովակից ստացված միջոցներն ուղղվելու են ՅՈւՆԻՍԵՖ-ին: