Բուքինգհեմյան պալատը ներկայացրել է Էլիզաբեթ Երկրորդ թագուհու գահակալման պլատինե հոբելյանի տոնակատարության միջոցառումների շարքը:
Ինչպես հաղորդում է BBC News-ը, տոնականա միջոցառումների թվում են բացօթյա խնջույքները, համերգ «աշխարհի մի շարք հանրահայտ աստղերի մասնակցությամբ», ինչպես նաև թագուհու տները մոտկից տեսնելու հնարավորությունը: Այս բոլոր տոնակատարությունները նվիրված են Էլիզաբեթ Երկրորդի թագադրման 70-ամյակին:
Միջոցառումները կեզրափակվեն քառօրյա տոնական, արձակուրդային օրերով՝ հունիսի 2-5-ը:
Առաջին միջոցառումը մեկնարկելու է երկուշաբթի: Այն իրենցի կներկայացնի նոր պուդինգ ստեղծելու մրցույթ: Հաղթող բաղադրատոմսը հասանելի կդառնա հանրության համար, իսկ պուդինգը կհամտեսեն մեծ հոբելյանական տոնախմբության ժամանակ:
Փետրվարի 6-ին թագուհին կդառնա առաջին բրիտանացիմիապետը, որը կնշի գահակալման պլատինե հոբելյանը: Տոնական միջոցառումները կշարունակվեն տարվա ընթացքում:
