Նախօրեին հայտնի դարձավ, որ այս տարի վերջին 3 տարվա ընթացքում առաջին անգամ հաղորդավար կհայտնվի հեղինակավոր «Օսկար» մրցանակաբաշխության արարողությանը։ Վերջին անգամ մրցանակաբաշխությունը վարել է ամերիկացի հեռուստահաղորդավար և կատակերգու Ջիմի Քիմելը։ Այսօր շատերն ուզում են պարզել, թե ով կզբաղեցնի նրա տեղը։ Ըստ The Page Six-ի աղբյուրների՝ կան որոշ ենթադրություններ:
Ամերիկացի դերասան, կատակերգու և Քիմ Քարդաշյանի սիրեցյալ Փիթ Դևիդսոնը, ամենայն հավանականությամբ, այս տարի կվարի մրցանակաբաշխությունը: Անհնար է չգնահատել կազմակերպիչների ընտրությունը, քանի որ վերջերս Փիթը չի հեռացել համաշխարհային տաբլոիդների վերնագրերից: Բացի այդ, նա իսկապես հիանալի կատակերգու է, ուստի վստահ ենք, որ նա հիանալի կերպով գլուխ կհանի այս առաջադրանքից։
Հիշեցնենք, որ «Օսկար-2022»-ի արարողությունը տեղի կունենա մարտի 27-ին։ Թեկնածուների ցուցակները կհրապարակվեն շուտով` փետրվարի 8-ին։
