Երգչուհի և դերասանուհի Լեդի Գագան W Magazine-ին տված հարցազրույցում պատմել է իր հետ կատարված միստիկ դեպքի մասին, որը տեղի է ունեցել «Գուչիի տունը» դրամայի նկարահանման հրապարակում։ Ֆիլմում նա մարմնավորել է Պատրիսիա Ռեջիանիին՝ հայտնի ապրանքանիշի սեփականատեր Մաուրիցիո Գուչիի նախկին կնոջը։
Ավելի վաղ Ռեջիանին ասել էր, որ դժգոհ է ֆիլմից և Գագայի՝ իրեն մարմնավորելու փաստից։ Կնոջը վրդովեցրել է նաև այն, որ ֆիլմի ստեղծողներից ոչ ոք նույնիսկ իր հետ չի կապվել։
Մաուրիցիո Գուչիի նախկին կնոջից եկող բացասական էներգան, ըստ Լեդի Գագայի՝ հասել է իրեն։ Դերասանուհին համոզված էր, որ Ռեջիանին ճանճեր է ուղարկել խաղահրապարակ։
«Նկարահանումների վերջին օրը ես կանգնել էի Հռոմում գտնվող իմ համարի պատշգամբում և լսում էի Դին Մարտինի «Mambo Italiano»-ն: Բերանումս ծխախոտ կար: Ես Պատրիսիան էի: Բայց ես գիտեի, որ պետք է հրաժեշտ տամ նրան: Նրան հետապնդում էին ճանճերի մեծ խմբեր։ Ես իսկապես հավատում էի, որ նա է ուղարկել նրանց։ Ես պատրաստ էի նրան բաց թողնել»,- հիշում է Գագան։
Նախկինում Լեդի Գագան հայտնել էր, որ ֆիլմի հոտ կապված աշխատանքը տևել է երեք տարի։ Որից մեկուկես տարին նա ապրում էր Ռեջիանիի պես, և ինը ամիս նա խոսում էր իտալական ուժեղ առոգանությամբ։ Արդյունքում նա այնքան խորասուզվեց այս կերպարի մեջ, որ սկսեց կորցնել կապը իրականության հետ։
«Հիշում եմ, մի օր ես գնացի Իտալիա զբոսնելու, մոտ երկու ամիս ես այդպես չէի արել և խուճապի մատնվեցի. կարծում էի, որ ֆիլմի նկարահանման հրապարակում եմ»,- պատմել է փոփ աստղը։
Գագայի հետ միասին ֆիլմում նկարահանվել են Ադամ Դրայվերը, Ալ Պաչինոն, Ջարեդ Լետոն, Ջերեմի Այրոնսը, Սալմա Հայեկը և այլք։
