Դերասան Կիանու Ռիվզը «The Late Show with Stephen Colbert»-ի եթերում պատասխանել է իր սիրելի երգի, ֆիլմի ու նույնիսկ հոտի մասին հարցին։
«Ընտրե՞լ մեկ երգ. Թող լինի Joy Division-ի «Love Will Tear Us Apart» երգը, որը պատրաստ եմ լսել ամբողջ կյանքում»,- ասել է Ռիվզը:
Ինչ վերաբերում է հոտին, դերասանը նկարագրել է այն պահը, երբ մոտոցիկլետի շարժիչը տաքանում է, և մեքենայի յուղի յուրահատուկ բույր է արձակվում։ Ռիվզը խոստովանել է, որ ավելի շատ սիրում է շներին, քան կատուներին, իսկ սենդվիչի սիրելի միջուկը դերասանի համար մեղրն է՝ գետնանուշի կարագով: Ռիվզի սիրելի ֆիլմը 1975 թվականի «Rollerball» ֆանտաստիկ բլոկբաստերն է:
«Ֆիլմում կա, խաղի տարր, սոցիալական դրդապատճառներ։ Զարմանալի է»,- նշել է Ռիվզը։
