Քանյե Ուեսթը Նյու Յորքում մասնավոր երեկույթի ժամանակ ներկայացրել է Netflix-ի վավերագրական ֆիլմը՝ նվիրված իրեն։ Իսկ պրեմիերային նա հրավիրել էր իր ամենամտերիմ հայտնի ընկերներին։ Ամենազարմանալին այն է, որ հյուրերի նեղ շրջանակում չկար դերասանուհի Ջուլիա Ֆոքսը, ում հետ ռեփերը սիրավեպ էր սկսել 2022 թվականի սկզբին։ Ըստ ինսայդերների՝ սկզբում զույգը իրենց հարաբերությունները ներկայացրել է որպես «բաց»՝ առանց որևէ պարտավորության, իսկ հետո երկուսն էլ սառչել են միմյանց հանդեպ։ Ահա թե ինչու Ջուլիային չեն հրավիրել պրեմիերային և նրա համար մասնավոր ինքնաթիռ չեն ուղարկել։
Թերևս սառած զգացմունքները կապված են Քանյեի նոր սիրելիի՝ Instagram-ի մոդել Չեյնի Ջոնսի հետ։ Աղջիկը հայտնի է նրանով, որ ջրի երկու կաթիլի նման նման է երաժշտի նախկին կնոջը՝ Քիմ Քարդաշյանին։ Կադրերում ամեն կերպ զարգացնում է այդ նմանությունը, ունի նմանատիպ սանրվածք, կրում է նույն ոճի հագուստ և նույնիսկ խորհրդանշական աքսեսուարներ։ Հենց Չեյնին է ուղեկցել Յեին ռեփերի համար այդքան կարևոր պրեմիերայի օրը։
