Ալեն Դելոնը պատրաստվում է կյանքից հեռանալ էվթանազիայի միջոցով

«Ծերանալը դաժան է: Եվ մենք ոչինչ չենք կարող անել դրա դեմ: Մենք կորցնում ենք դեմքն ու տեսողությունը, ոտքի ենք կանգնում և զգում, որ անիծյալ ոտքը ցավում է: Տանջանքը սարսափելի է»,- ասում է ֆրանսիացի դերասան Ալեն Դելոնը։

Նա այժմ ապրում է Շվեյցարիայում։ Դերասանը 86 տարեկան է։

2019 թվականին Դելոնը կրկնակի կաթված ստացավ և դրանից հետո ամբողջ ժամանակն անցկացնում է տանը՝ իր շների հետ լիակատար մեկուսացման մեջ։

2020 թվականին նրա նախկին, բայց միակ կինը՝ Նատալի Դելոնը, մահացավ ենթաստամոքսային գեղձի քաղցկեղից։ Մահից կարճ ժամանակ առաջ նա, անբուժելի հիվանդ լինելով, այցելել էր դերասանին Շվեյցարիայի իր կալվածքում։

Նրանց որդին՝ Էնթոնին, այնուհետև սոցցանցերում լուսանկար է հրապարակել, որում նրա ծնողները հյուրասենյակում նստած զրուցում են։ «Նրանք միասին են՝ ավելի քան կես դար առաջ բաժանվելուց հետո»,- մակագրել է Էնթոնին լուսանկարը։

Այժմ ֆրանսիացի կինոաստղի մոտ գալիս են միայն նրա երեխաները։ Ալեն Դելոնը չի թաքցնում, որ արդեն կազմել է կտակ։ Նա չի ցանկանում, որ իր մահից հետո հարազատները զբաղվեն «կեղտոտ գործով»՝ ունեցվածքի բաժանումով և խնայողություններով։

Ավագ որդի Էնթոնիին, ով այժմ 57 տարեկան է, նա խնդրել է գլխավորը՝ օգնել նրան մահանալ։ Դերասանը միշտ ասել է, որ դեմ չէ էվթանազիային։ Այդ պատճառով նա տեղափոխվել է Շվեյցարիա, որտեղ էվթանազիան պաշտոնապես թույլատրված է։

«Մահանալու այս ճանապարհը ես կարծում եմ ամենատրամաբանականն ու բնականը»,- ասում է դերասանը։ «Մեր տարիքի հետ մենք իրավունք ունենք դժոխք գնալ հանգիստ ճանապարհով, առանց հիվանդանոցների և ներարկումների»: