76 տարեկանում կյանքից հեռացել է դերասան Փոլ Հերմանը, որը հայտնի էր «Իռլանդացին», «Սոպրանոների կլանը» և «Փառավոր տղաներ» ֆիլմերում կատարած իր դերերով։ Այս մասին հաղորդում է Hollywood reporter պարբերականը։
Դերասանի ներկայացուցիչը հաստատել է նրա մահվան լուրը։
«Մենք խորապես վշտացած ենք մեր սիրելի Փոլ Հերմանի կորստից։ Իսկական հերոս էր էկրաններին և դրանից դուրս։ Բոլոր նրան ճանաչողները շատ կկարոտեն, և մենք միշտ կհիշենք նրա ծիծաղի ձայնն ու խիզախ ոգին։ Խնդրում ենք այս ընթացքում հարգել ընտանիքի անձնական կյանքը», – նշել է Հերմանի ներկայացուցիչը։
Դերասանի մահվան պատճառը չի հաղորդվում։
