Netflix-ը հրապարակել է The Mystery of Marilyn Monroe: The Unheard Tapes ֆիլմի պաշտոնական թրեյլերը: Ֆիլմի ռեժիսորն է Էմմա Կուպերը, պրոդյուսերը՝ Քրիս Սմիթը (ով աշխատել է Tiger King. Murder, Mayhem and Madness վավերագրական ֆիլմի վրա):
Ֆիլմը հիմնված է ոստիկանության հետաքննության հարցազրույցների վրա, որը վերաբացվել է 1992 թվականին The Marilyn Files հեռուստաշոուի հեռարձակումից հետո:
«Ջոն Հյուսթոնի և հոլիվուդյան վերնախավի հետ հարցազրույցները շատ բան կարող են բացահայտել Մերիլին Մոնրոյի կյանքի և հանկարծակի մահվան մասին»,- ասվում է ֆիլմի նկարագրության մեջ։
The Mystery of Marilyn Monroe-ն հնարավոր կլինի դիտել ապրիլի 27-ին։ Այս տարի նաև Netflix-ը կցուցադրի դերասանուհու մասին մեկ այլ՝ Blonde ֆիլմը՝ Անա դե Արմասի գլխավոր դերակատարմամբ։
