Ամերիկյան հեռուստաաստղ Քիմ Քարդաշյանը խոստովանել է, որ կցանկանար նորից ամուսնանալ:
«Ես հավատում եմ սիրուն, ահա թե ինչու լիահույս եմ, որ ինձ համար ևս մեկ ամուսնություն կլինի»,-ասել է 41-ամյա Քարդաշյանը The Kardashians իրապատում շոուի նոր դրվագներից մեկում:
Բազմազավակ մայրիկն իր ցանկության մասին բարձրաձայնել է մոր և երկու ընկերների հետ ավագ քրոջ՝ Քորթնի Քարդաշյանի և Թրևիս Բարքերի սիրավեպը քննարկելիս:
Առաջին անգամ 19 տարեկանում ամուսնացած և ապա 3 անգամ ամուսնալուծված Քիմ Քարդաշյանը նշել է, որ «չորրորդ փորձը լավը կլինի»:
Ներկայում հեռուստաաստղը հանդիպում է երիտասարդ հումորիստ Փիթ Դևիդսոնի հետ:
Քարդաշյանի երեք ամուսնություններից ամենաերկարը եղել է ռեփեր Քանյե Ուեսթի հետ. նախկին զույգն ամուսնացած էր 2014-ից 2021 թվականներին, և նրանց միությունից ծնվել է չորս երեխա:
