Մեծ Բրիտանիայի արքայազն Ուիլյամն ու Քեմբրիջի դքսուհի Քեյթ Միդլթոնը, Կարիբյան կղզիներում անհաջող շրջագայությունից հետո մտածում են թագավորական տիտղոսներից ազատվելու մասին։ Այս մասին հայտնում է Mirror պարբերականը՝ վկայակոչելով թագավորական շրջապատին մոտ կանգնած աղբյուրին։
Այսպիսով, հայտնի է դարձել Քեմբրիջի դքսի և դքսուհու՝ Բրիտանական միապետությունն արդիականացնելու մտադրության մասին։
Ինսայդերները հայտնում են, որ Բելիզ, Ճամայկա և Բահամներ այցելելուց և տեղի բնակիչների կողմից մի շարք բողոքներից հետո նրանք դիտարկում են պաշտոնական տիտղոսներից հրաժարվելու հնարավորությունը:
Նշվում է՝ ամուսինները ցանկանում են, որ իրենց դիմեն անուններով։ Բացի այդ, նրանք նախատեսում են չեղյալ հայտարարել ավանդական ողջույնի ձևերը՝ գլուխ խոնարհելն ու ռևերանսը։ Զույգը նաև դեմ է արտահայտվել պաշտոնական միջոցառումների ժամանակ նրանց և հանրության միջև մետաղական պատնեշների գոյությանը։
«Նրանք ցանկանում են ավելի մոտ լինել մարդկանց, ավելի քիչ ձանձրալի ձևականություններ պահպանել և հրաժարվել շատ ավանդույթներից»,- հայտնել է աղբյուրը:
