Դերասան Ջոնի Դեփի երկրպագուները քննադատել են նրա դստերը՝ Լիլի-Ռոուզ Դեփին, նախկին կնոջ՝ դերասանուհի Էմբեր Հերդի հետ դատավարության ժամանակ հորը չաջակցության համար։ Այս մասին հայտնում է Buzzfeed-ը։
Նրանք նշել են, որ 22-ամյա Դեփը լռել է սոցիալական ցանցերում Հերդի հետ նրա վերջին դատական գործի սկսվելուց հետո: «Դու ավելի շատ ես ցույց տալիս քո կուրծքը, քան քո հորը, ճղճիմ», «Աջակցիր քո հորը, ինչպիսին էլ որ լինեն ձեր հարաբերությունները, դու գիտես, որ Էմբերը զոհ չէ», «Եվ ոչ մի լուսանկար քո հոր հետ: Ի՞նչ տեսակի մարդ ես դու»,- գրում են նրան իր էջի հին լուսանկարների տակ։ Կան նաև այնպիսինները, ովքեր արտահայտվել են ի պաշտպանություն Լիլի-Ռոզի։ «Դուք նրան թունավորում եք մի տղամարդու պատճառով, ում երբեք չեք հանդիպել: Պարասոցիալական հարաբերությունները հիվանդություն են. դուք չեք պատկերացնում, թե որքան դժվար կարող է լինել նրա համար, բայց դուք բոլորդ պահանջում եք նրա ժամանակն ու ջանքերը»,- ասվում է մեկնաբանություններից մեկում:
Ներկայումս Հերդը և Դեփը դատական քաշքշուքների մեջ են: Ապրիլին «Կարիբյան ծովի ծովահենների» աստղը 50 միլիոն դոլարի հայց է ներկայացրել իր նախկին կնոջ դեմ, ով 2019 թվականին Washington Post-ի իր սյունակում անուղղակիորեն ակնարկել էր ընտանեկան բռնության մասին: Դերասանուհին հակընդդեմ հայց է ներկայացրել 100 մլն դոլարի չափով։
