Հարսանյաց զգեստի պատճառով Քորթնի Քարդաշյանին մեղադրել են եկեղեցին չհարգելու մեջ

Մինչ աշխարհը քննարկում է Քորթնի Քարդաշյանի և ռեփեր Թրևիս Բարքերի հարսանիքը, համացանցում բազմապատկվում են վրդովված մեկնաբանությունները. շատերը կան, ովքեր տարօրինակ և նույնիսկ անհարգալից են համարել արարողության որոշ մանրամասներ։ Այսպիսով, հավատացյալները միանշանակ չեն ընդունել հարսնացուի հարսանեկան կերպարը. խորանի առաջ Քորթնին Dolce & Gabbana-ի սպիտակ մինի զգեստով էր՝ թափանցիկ ժանյակից պատրաստված երկար քողով՝ Մարիամ Աստվածածնի պատկերով. այս պատկերը դաջված է նաև փեսացուի գլխին։

Միայն քողը՝ հանդերձանքի հետ միասին, դժգոհություն է առաջացրել՝ մարդկանց դուր չի եկել շղարշի համադրությունը համարձակ զգեստի հետ։ Ոմանք դա ընդունել են որպես «կաթոլիկ եկեղեցու ծաղր»։

«‎Նրանք բոլորովին նման չեն հավատացյալ մարդու, ավելի շուտ՝ այս ամենը ինչ-որ ծաղր է։ Ես կաթոլիկ չեմ, բայց դա ինձ նորմալ չի թվում‎»,- Twitter-ում գրել է @bibidoza նիքնեյմով օգտատերը։

Մեկ այլ օգտատեր՝ @xodollzzz գրել է.

«‎Անկեղծ ասած, Մարիամ Աստվածածնի կերպարը Քորթնի Քարդաշյանի քողի վրա՝ այս զգեստով, վիրավորում է ինձ՝ որպես կաթոլիկի‎»։