Դատարանը որոշում է կայացրել քրեական պատասխանատվության ենթարկել երգչուհի Շակիրային

Բարսելոնայի դատարանը որոշել է քրեական պատասխանատվության ենթարկել Շակիրային: Կոլումբիացի երգչուհուն կասկածում են 14,5 միլիոն եվրոյի չափով հարկերից խուսափելու մեջ, ասվում է Կատալոնիայի Գերագույն դատարանի մամուլի հաղորդագրությունում։

Ընդհանուր առմամբ 45-ամյա երգչուհուն վերագրվում է վեց հանցագործություն, որոնք կատարվել են 2012-2014 թվականներին։ Այդ ընթացքում արտիստն Իսպանիայի հարկային ռեզիդենտ է եղել։

45-ամյա Շակիրան հայտնի է ոչ միայն որպես երգչուհի, այլ նաև որպես երգահան, պարուհի, երաժշտական պրոդյուսեր, պարուսույց և մոդել։ Նա համարվում է լատինաամերիկյան ամենահաջողակ արտիստը, որը հաջողությունների է հասել ինչպես իսպանախոս, այնպես էլ անգլիախոս երաժշտական շուկայում։ Նա աստղ ունի Լոս Անջելեսի Փառքի ծառուղում և համարվում է բոլոր ժամանակների ամենավաճառվող նկարչուհիներից մեկը։