41-ամյա Քիմ Քարդաշյանն ու 45-ամյա Քանյե Ուեսթը մեկ օրով մի կողմ են թողել իրենց տարաձայնությունները։ Ամերիկյան ռեալիթի շոուների հեռուստաաստղն ու ռեփերը ներկա են եղել բասկետբոլի խաղին, որին մասնակցել է նրանց ավագ դուստր Նորթը, գրում է Daily Mail-ը:
Քարդաշյանը բասկետբոլի խաղին ներկայացել է կիպ սպիտակ շապիկով՝ կրծքին Balenciaga-ի տարբերանշանով։ Նա այն համադրել է բաց կապույտ լայն ջինսե տաբատի և բարձրակրունկների հետ: Քարդաշյանն արձակել է երկար շեկ մազերը։
Քարդաշյանն ու Ուեսթը ուշադիր հետևել են իրենց դստեր խաղին։ Երեկոյի ընթացքում ծնողները ժամանակ առ ժամանակ զրուցել են միմյանց հետ: Միաժամանակ նախկին ամուսինները փորձել են ուշադրություն չգրավել։ Նրանք իրենց հանգիստ են պահել և լուռ ծափահարել իրենց դստեր և նրա թիմի հաջողությունները։
Հատկանշական է, որ նախօրեին Քարդաշյանը շնորհավորել է նախկին ամուսնուն Հայրերի օրվա կապակցությամբ. «Շնորհակալ եմ մեր երեխաների համար լավագույն հայրիկ լինելու և նրանց այդքան սիրելու համար: Շնորհավոր Հայրերի օրը, Յե՛»,- ասել է Քարդաշյանը։
