Քիմ Քարդաշյանը Today շոուի ժամանակ մեկնաբանել է լուրերն այն մասին, թե, իբր, վնասել է Մերիլին Մոնրոյի խորհրդանշական զգեստը, որը կրել է Met Gala-ի ժամանակ։ Ավելի վաղ համացանցում հայտնվել էին վնասված զգեստի լուսանկարները, որոնցից երևում է, որ գործվածքը պատռված է որոշ հատվածներում և մի քանի բյուրեղներ պակասում են։
Քիմ Քարդաշյանը նշել է, որ թանգարանի աշխատակիցներ են ձեռնոցներով հագցրել զգեստը կարմիր գորգի վրա, և նա այն կրել է ոչ ավելի, քան հինգ րոպե։
«Ես կարմիր գորգի վրա բարձրացա խալաթով և հողաթափերով, իսկ զգեստը հագա աստիճաններով բարձրանալուց առաջ։ Ես հագա այն երեք-չորս րոպե, իսկ հետո փոխվեցի հենց աստիճանների վրա»,- մանրամասնել է Քիմը։
Քիմ Քարդաշյանը նաև հավելել է, որ Մերիլին Մոնրոյի զգեստը լիովին համապատասխանում էր Met Gala-ում հայտարարված թեմային։
