Օրերս հայտնի էր դարձել, որ Լեդի Գագան կխաղա Հարլի Քուինի դերը «Ջոկերի» նոր մասում։ Ամերիկացի դերասանուհին ֆիլմում իր մասնակցության համար կստանա 10 միլիոն դոլար, հայտնում է Variety-ն։
Հրատարակության տվյալներով՝ դերասան Խոակին Ֆենիքսի հոնորարը կրկնակի ավելի կլինի՝ նա գլխավոր դերի համար կվաստակի 20 մլն դոլար, ինչպես և ֆիլմի ռեժիսոր Թոդ Ֆիլիպսը։
«Ջոկեր․ Խելագարություն երկուսի համար» ֆիլմի ամբողջ արտադրությունը Warner Bros. կինոստուդիային կարժենա 150 միլիոն դոլար։
Հիշեցնենք, որ «Ջոկեր»-ի առաջին մասը թողարկվել է 2019 թվականին։ Ֆիլմի ռեժիսորն է Թոդ Ֆիլիպսը (Back to Head, The Hangover, Borat): Ֆիլմը ստացել է «Օսկար»-ի 11 անվանակարգ, որոնցից երկուսում հաղթել է։ Խոակին Ֆենիքսը ճանաչվել է լավագույն դերասան, իսկ կոմպոզիտոր Հիլդուր Գուդնադոուտիրը մրցանակ է ստացել լավագույն օրիգինալ սաունդթրեքի համար: