Այս ամառ Շակիրան բաժանվեց իր սիրելիից՝ Ժերար Պիկեից՝ 12 տարվա հարաբերություններից հետո։ Աղբյուրների համաձայն՝ երգչուհին հեռացել է ֆուտբոլիստից նրա բազմաթիվ դավաճանությունների պատճառով։ Իսկ այժմ նախկին զույգը լուծում է խնամակալության հարցը։ Ժերար Պիկեն նույնիսկ համաձայնել է երեխաներին տալ, սակայն պայմաններ ունի:
Նախկինում զույգը ոչ մի կերպ չէր մեկնաբանում այս լուրը, սակայն այժմ Շակիրան որոշել է առաջին անգամ բարձրաձայնել այս մասին։ ELLE ամսագրին տված նոր հարցազրույցում երգչուհին խոստովանել է, որ թեև իր համար դժվար է խոսել այդ մասին, սակայն այլևս թաքցնելու իմաստ չկա։ «Ես լռեցի և փորձեցի անցնել այդ ամենի միջով: Այո, հիմա ինձ համար իսկապես դժվար է խոսել այդ մասին: Մեր բաժանումը տեղի ունեցավ հանրության աչքի առաջ, այնպես որ դա ոչ միայն ինձ համար է դժվար, այլ նաև մեր երեխաների համար: Պապարացիներն ինձ հետևում են իմ տանը 24/7. Ես նրանցից թաքնվելու տեղ չունեմ, մենք չենք կարող սովորական ընտանիքի նման զբոսնել այգում։
Գիտե՞ք, ես պատրաստ չեմ բացահայտելու մեր բաժանման մանրամասները, բայց ուզում եմ ասել, որ զոհաբերել եմ ինձ և իմ կարիերան մեր սիրո համար: Եվ սրա շնորհիվ մեր երեխաները իսկական մայր ունեն։ Իմ և նրանց միջև զարմանալի կապ կա։ Դա այն ամենն է, ինչ կարող եմ ասել»:
Հիշեցնենք, որ Շակիրան և Ժերար Պիկեն սկսել են հանդիպել 2010 թվականին, սակայն նրանք հաստատել են իրենց սիրավեպը միայն մեկ տարի անց: Աստղերը երկու որդի են դաստիարակում՝ 7-ամյա Սաշային և 9-ամյա Միլանին։
