Հայտնի է «Ավատար. Ջրի ուղին» ֆիլմի առցանց թողարկման ամսաթիվը

Վերջապես հայտնի է «Ավատար. Ջրի ուղին» ֆիլմի առցանց թողարկման ամսաթիվը, այն համացանցում կհայտնվի մարտի 28-ին:

Ֆիլմի հետ միասին կթողարկվեն մինչև երեք ժամ տևողությամբ լրացուցիչ նյութեր, ներառյալ՝ ջրի տակ անիմացիաներ ստեղծելու, հատուկ էֆեկտների և տեխնոլոգիաների մասին տեսանյութ:

Ջեյմս Քեմերոնի «Ավատար. Ջրի ուղին» կինովարձույթում հայտնվել է 2022 թվականի դեկտեմբերին։ Արդեն փետրվարի դրությամբ այն հավաքել էր 2,2 միլիարդ դոլար՝ դառնալով ամենաեկամտաբեր 3-րդ ֆիլմն աշխարհում։