Չարլզ III թագավորի և արքայադուստր Դիանայի որդին՝ ուշադրության կենտրոնում է հայտնվել. Եվ ամեն ինչ այն պատճառով, որ համացանցի օգտատերերը գտել են արքայազն Հարրիի նմանակին:
Համացանցում վիրուսային է դարձել տեսահսկման տեսախցիկների լուսանկարը, որը պատկերում է մորուքով կարմիր մազերով տղամարդու։ Նա հետախուզվում է Հերթֆորդշիրի ոստիկանության կողմից՝ մեքենայից դիզայներական պայուսակ գողանալու և փախչելու համար։
«Մենք հրապարակել ենք մի մարդու լուսանկար, ում կցանկանայինք բացահայտել Ուոթֆորդում կատարված գողությունից հետո: Ուրբաթ՝ մարտի 10-ին, ժամը 20:30-ից 23:15-ն ընկած ժամանակահատվածում մեքենա են կոտրել, հետևի ապակին ջարդել են, և գողացել են Louis Vuitton-ի պայուսակը, որում եղել է Macbook, Apple ականջակալներ և կոշտ սկավառակ»,- ասվում է ոստիկանության կայքում:
Հիշեցնենք, որ մայիսի 6-ին տեղի կունենա Չարլզ III-ի թագադրման արարողությունը։ Վեսթմինսթերյան աբբայության տարածքում տեղի կունենա համերգ համաշխարհային աստղերի մասնակցությամբ։ Ի դեպ, տոնակատարությանը ներկա կլինի նաև արքայազն Հարին, իսկ Մեգան Մարքլը կմնա Կալիֆորնիայում։
