Ձեռնարկատեր Անդրեյ Կովալյովը YouTube-ի «Алена, блин!» շոուի եթերում պատմել է, թե ինչպես է Ալլա Պուգաչովան օգնել «Арлекино» հիթի հեղինակին։
Կովալյովի խոսքով՝ Պրիմադոննան իմացել է, որ պոետ Բորիս Բարկասը հայտնվել է ծանր իրավիճակում․ հիթի հեղինակը կախվածություն է ունեցել ալկոհոլից, ինչի հետևանքով հայտնվել է փողոցում։ Հետագայում նրանք հանդիպել են հեռուստատեսությունում:
«Ճիշտն ասած, ես նրան չէի տեսել մինչև այդ պահը, մտածում էի, որ հարբեցող է դուրս գալու, իսկ դուրս եկավ մի պարկեշտ մարդ։ Իրոք, ողբերգություն. նա խմում էր, ինչի համար կինը վռնդել է, կորցրել է անձնագիրը, անօթևան մնացել»,- հիշել է գործարարը։
Կովալյովը նշել է, որ Պուգաչովան իրեն կոչ է արել օգնել Բարկասին։
«Ինձ է զանգահարում Ալլա Բորիսովնան և ասում. «Անդրյուխա, արի նրա համար բնակարան գնենք»: Եվ մենք նրա հետ բնակարան գնեցինք, բայց, ցավոք, նա չդադարեց խմել։ Երկու շաբաթվա ընթացքում նա գործնականում խմեց այդ բնակարանի գումարը և մահացավ», – պատմել է նա:
Հիթի հեղինակի մահից հետո բնակարանը բաժին է հասել նրա դստերը։ Երգչուհու օգնականն առաջարկել է Կովալյովին դադարեցնել գործարքը և գույքը պահել իրեն, սակայն նա հրաժարվել է և որոշել, որ բնակարանը պետք է բաժին հասնի Բարկասի ընտանիքին։
