Եթե թագավորին չի հաջողվում որդիների հետ լավ հարաբերություններ ունենալ, ուրեմն հրաշալի հարաբերություններ կունենա թոռների հետ։ Արքայազն Լուին շատ կապված է իր պապիկին, դա ևս մեկ անգամ նշել է Քեյթ Միդլթոնը Չելսիի ծաղկի ցուցահանդեսի մանկական պիկնիկի ժամանակ։ Հպարտ մայրը դպրոցականներին պատմել է, թե ինչպես են ապրում իր երեխաները և ինչ են սիրում, և պարզվել է, որ նրանց հոբբիները բավականին առօրյական են։ «Լուին լոբի է աճեցնում: Դրեք դրանք մի բաժակի մեջ և հետևեք, թե ինչպես են արմատները աճում: Լոբին աճում է այնքան արագ, որքան արևածաղիկը»,- բացատրել է Քեյթը:
Թագավորը նույնպեսայգեգործության սիրահար է։ Մանկության տարիներին Չարլզը լոլիկ էր աճեցնում Բուքինգհեմյան պալատի բակում։ Ճիշտ է, դա առանց գլխավոր այգեպանի օգնության չէր լինում։ «Աշխարհում չկա ավելի լավ բան, քան այն, ինչ դուք ինքներդ եք մեծացրել: Սա ևս մեկ պատճառ է, թե ինչու ես համոզված եմ, որ երեխաները դպրոցում պետք է սովորեն ինչ-որ բան աճեցնել», – ասել է արքայազն Չարլզը Radio4-ին թագադրումից երկու տարի առաջ:
