MAPPA ստուդիան հրապարակել է «Տիտանների գրոհը» անիմեի եզրափակիչ էպիզոդի երկրորդ մասի թիզերը։ Այն հրապարակվել է YouTube-ում՝ Anime Expo 2023 փառատոնի ժամանակ:
Սերիալի եզրափակչի թողարկման ճշգրիտ ամսաթիվը ներկայումս հայտնի չէ, սակայն այն նախատեսված է 2023 թվականի աշնանը։
«Տիտանների գրոհը» սերիալի սյուժեն կառուցված է մի քաղաքի կյանքի շուրջ՝ շրջապատված հսկայական պարսպով, որն ստեղծված է հսկայական մարդակերներից՝ տիտաններից պաշտպանվելու համար: Քաղաքը վտանգից պաշտպանում է տիտան կործանիչների հատուկ թիմը, որը փորձում է բացահայտել հսկայական արարածների առեղծվածը և պաշտպանել բնակչությանը:
Անիմեն համանուն հետապոկալիպտիկ մանգայի ադապտացիա է, որը գրվել և նկարազարդվել է Հաջիմե Իսայամայի կողմից։ Սերիալի դեբյուտը կայացել է 2013 թվականին և ներկայումս ունի 88 սերիա։
Մարտին կայացավ «Տիտանների գրոհի» վերջին մասի առաջին հատուկ էպիզոդի պրեմիերան։ Այն սահմանել է Գինեսի համաշխարհային ռեկորդ՝ որպես ամենապահանջված անիմե:
