Երգչուհի Զեմֆիրա Ռամազանովան (Ռուսաստանի Դաշնությունում հայտարարված է որպես օտարերկրյա գործակալ) բողոք է ներկայացրել Մոսկվայի Զամոսկվորեցկի շրջանային դատարանի՝ իրեն օտարերկրյա գործակալի կարգավիճակից զրկելու մերժման դեմ, ՏԱՍՍ-ին հայտնել են դատարանում։
Ռուսաստանի արդարադատության նախարարությունը Զեմֆիրային օտարերկրյա գործակալ է ճանաչել 2023 թվականի փետրվարի 10-ին։ Այս որոշման հիմնավորման մեջ նշվում էր, որ երգչուհին «բաց խոսել է Ուկրաինային աջակցելու, անբարյացակամ երկրներում համերգային գործունեություն է ծավալել», «աջակցություն է ստացել օտարերկրյա աղբյուրներից»։
