«Սարդ-մարդ» ֆիլմի աստղ Քիրսթեն Դանսթը պատմել է իր անցյալից վտանգավոր դրվագի մասին. երբ դերասանուհին 16 տարեկան էր, հայտնի ռեժիսորն իրեն թույլ է տվել անպարկեշտ պահվածք աղջկա նկատմամբ։
41-ամյա հայտնին որոշել է պատմել կատարվածի մասին քառորդ դար անց։ Նրա խոսքով՝ ամեն ինչ տեղի է ունեցել գրասենյակի փակ դռների հետևում։
«Մի տղամարդ ռեժիսոր հարցրեց մի ֆիլմի մասին, որում նա կցանկանար ինձ տեսնել: Հետո անտեղի հարց տվեց ինձ. Նրա ասածը կապ չուներ դերասանության հետ։ Դա լրիվ այլ բան էր։ Եվ ես հիշում եմ, որ նստած էի և գիտեի, որ ինչ-որ բան այն չէ, բայց գաղափար չունեի, թե ինչ անեմ»,- բացատրել է դերասանուհին։
Այս դեպքի մասին Դանսթը անմիջապես պատմել է մորը, իսկ աղջկան հեռացրել են նախագծից, գրում է Daily Mail-ը։ Դերասանուհու խոսքով՝ հենց մայրն է իրեն փրկել շոու-բիզնեսի սարսափելի հորից, քանի որ դա նրան միշտ կրնկակոխ հետևել է։ Բայց Քիրստենի առաջին մեծ դերը եղել է 11 տարեկանում: Մանուկ հասակում նա խաղացել է «Հարցազրույց վամպիրի հետ» կուլտային ֆիլմում։
Այժմ Քիրսթենն ինքը շատ ժամանակ է հատկացնում իր երեխաներին։ Դերասանուհին վերջերս ասել է, որ իր փոքրիկներին լույս աշխարհ բերելուց հետո ինքն իր համար ոչինչ չի առանձնացնում և ամեն ինչ անում է երեխաների համար։
