Դակոտա Ջոնսոնը, ով վերջերս պլանավորում էր հարսանիք Coldplay-ից Քրիս Մարտինի հետ, հանկարծակի հայտարարել է, որ երբեք հարաբերություններ չի փնտրել։ «Մոխրագույնի 50 երանգները» ֆիլմի աստղը վախենում է լուրջ սիրահարվելուց։
Ջոնսոնը չի հերքում, որ ինքը հարաբերություններ է ունեցել տղամարդկանց հետ։ Բայց, ըստ երևույթին, նա դրանք բավականաչափ լուրջ չի համարում։ «Ես երբեք ոչ մեկի հետ չեմ հանդիպել։ Ես ունեցել եմ ընկերներ, բայց նույնիսկ ծանոթությունների հավելված չեմ օգտագործել։ Սա մարդկության ամենագեղեցիկ կողմն է, բայց կարող է նաև լինել ամենատգեղը։ Մեկին սիրելը ամենասարսափելի և ամենագեղեցիկ բանն է, որ կարող ես անել»,- ասել է Դակոտան Elle-ին։
Դակոտայի բացահայտումը երկրպագուների մոտ խառը զգացմունքներ է առաջացրել։ «Ընկեր ունենալը չի՞ նշանակում ինչ-որ մեկի հետ հանդիպել։ Նա իսկապես չի՞ հասկանում սա», «Ո՞վ էին այդ բոլոր տղաները նրա կողքին», «Ես միշտ մտածում էի, որ նա մի փոքր տարօրինակ է»,- գրում են ինտերնետ-օգտատերերը։
Հիշեցնենք, որ Դակոտան հարաբերությունների մեջ է եղել նաև Նոա Գերշի հետ։ Զույգը բաժանվել է մոտավորապես 2012 թվականին։ Աստղի հաջորդ ընկերը Ջորդան Մաստերսոնն էր, որի հետ դերասանուհին հանդիպում էր 2013-ից 2014 թվականներին։
