Թոմ Քրուզը պատրաստ է ցատկել այրվող պարաշյուտով և հավասարակշռությունը պահպանել թռչող ինքնաթիռի թևի վրա, բայց ոչ աշխատել արհեստական բանականության հետ։ Դրա պատճառով «Թոփ գան 3»-ը կարող է վտանգի տակ լինել։
Daily Mail-ի ներքին աղբյուրների փոխանցմամբ՝ արտադրական հանդիպման ժամանակ առաջարկ է հնչել Վել Քիլմերի կերպարը արհեստական բանականության միջոցով վերադարձնելու վերաբերյալ։
Դեպքը զայրացրել է Քրուզին, քանի որ նա չափազանց կոնկրետ դիրքորոշում ունի արհեստական բանականության օգտագործման և Քիլմերի զգայուն ժառանգության հարցում։ «Ինչ-որ մեկը առաջարկել է Վել Քիլմերին վերադարձնել արհեստական բանականության միջոցով։ Թոմը ոտքի բարձրացավ և այնքան բարձր գոռաց, հետո բառացիորեն մի քանի րոպեում լուռ լքեց սենյակը։ Կարելի էր գրեթե լսել քորոցի ընկնելը և տեսնել, թե ինչպես է նրա ականջներից գոլորշի դուրս գալիս»,- ասել է աղբյուրը։
Ասում են, որ 62-ամյա Քրուզը խորը արհամարհանք ունի արհեստական բանականության նկատմամբ։ Նա կարծում է, որ նեյրոնային ցանցը «կփչացնի այն ամենը», ինչ ներկայացնում էր Քիլմերը՝ և՛ որպես դերասան, և՛ որպես ընկեր։ Քիլմերին «վերակենդանացնելու» ցանկացած փորձ նրա համար անընդունելի կլինի։
Վել Քիլմերը վերջին անգամ էկրանին հայտնվել է «Top Gun: Maverick» ֆիլմում, և նրա ձայնը վերստեղծվել է արհեստական բանականության տեխնոլոգիայի միջոցով՝ դերասանի կոկորդի քաղցկեղի դեմ պայքարի պատճառով։
