Քրիս Ջենների 70-ամյակի խնջույքը Ջեֆ Բեզոսի և Լորեն Սանչեսի Բևեռլի Հիլզի տանը այնքան աղմկոտ է անցել, որ հարևանները մի քանի անգամ ստիպված էին ոստիկանություն զանգահարել: TMZ-ը հաղորդում է, որ Բրունո Մարսի մասնակցությամբ երեկույթի աղմուկը լսվում էր տան սահմաններից դուրս։
Հրապարակման համաձայն՝ առաջին զանգը ստացվել է շաբաթ երեկոյան, երբ տեղի բնակիչները բողոքել են չափազանց բարձր երաժշտության համար: Ոստիկանները ժամանել են դեպքի վայր և խոսել անվտանգության աշխատակիցների հետ, որից հետո նախազգուշացրել են: Սակայն պարեկային ծառայությունը կարճ ժամանակ անց վերադարձել է՝ պայմանավորված առանձնատան դարպասների մոտ բարձր ցանկապատերի հայտնվելով, որոնք փակել էին փողոցի մի մասը: Պարզվել է, որ դրա համար թույլտվություն է պահանջվել, որը կազմակերպիչները չունեին։
Բևեռլի Հիլզի կանոնակարգի համաձայն՝ ժամը 22:00-ից հետո ցանկացած չափազանց աղմուկ համարվում է հասարակական անհարմարություն: Սակայն, կարծես, Ջենների շքեղ, Ջեյմս Բոնդի ոճով տոնակատարությունը չէր կարող տեղավորվել հանգիստ երեկոյի սահմաններում:
