Քիմ Քարդաշյանը, որը մի քանի տարի փորձում է ստանալ Կալիֆոռնիայի փաստաբանական լիցենզիա, չի հանձնել վերջնական փաստաբանական քննությունը՝ չնայած չորս էքստրասենսների հավաստիացումներին, որ նա կհաջողի, հաղորդում է TMZ-ը։
Անհաջող արդյունքից հետո աստղը էմոցիոնալ կերպով է արձագանքել՝ հայտարարելով, որ «այդ բոլոր անիծյալ էքստրասենսները ստախոսներ են»։
«Հնարավոր է՝ նրանցից չորսն ինձ ասել են, որ ես կհանձնեմ։ Այնպես որ, նրանք բոլորը բացարձակ պաթոլոգիկ ստախոսներ են։ Մի՛ հավատացեք նրանց ասած ոչ մի բանի», – ասել է Քարդաշյանը։
2019 թվականից ի վեր Քիմը սովորում է իրավագիտություն՝ շարունակելու իր հոր՝ հայտնի փաստաբան Ռոբերտ Քարդաշյանի աշխատանքը, որը պաշտպանել էր Օ.Ջեյ Սիմփսոնին։ Նա ընտրել է ոչ ավանդական ուղի՝ իրավաբանական ընկերությունում պրակտիկա անցնել՝ իրավաբանական դպրոց հաճախելու փոխարեն։
Քիմի իրավաբանական հավակնություններն էլ ավելի են ամրապնդվել քրեական արդարադատության բարեփոխումների արշավին նրա մասնակցությամբ, ինչը հանգեցրել է Ալիս Մարի Ջոնսոնի ցմահ ազատազրկման մեղմացմանը։
