Արման Հովհաննիսյանի երկար սպասված համերգը կայացավ. տպավորությունների, ներկաների ու նոր երգերի մասին - showbiz.am

Արման Հովհաննիսյանի երկար սպասված համերգը կայացավ. տպավորությունների, ներկաների ու նոր երգերի մասին

By

Մեկն իր շրթներկն էր թարմացնում, մեկն իր մազերն էր ուղղում, մյուսն էլ՝ իր անհարմար զգեստի փեշը:  Բոլորը սպասում էին: Գեղեցիկ սրահը լեփ-լեցուն էր Արման Հովհաննիսյանին գնահատող և իր երգերը սիրող մարդկանցով:

Երեկ`օգոստոսի 9-ին, «Dvin Music Hall»-ում տեղի ունեցավ հայ սիրված երգիչ Արման Հովաննիսյանի երկար սպասված մենահամերգը: Ավտոկայանատեղիում ասեղ գցելու տեղ չկար, իսկ նախասրահում հանգիստ շարժվել հնարավոր չէր:

Հանդիսատեսն արդեն տեղավորվել էր, այնպես որ երեկույթն արդեն կարելի էր սկսել: Համերգը սկսեցին բենդի անդամները, ովքեր մի քանի երգ կատարելով՝ իրենց տեղը զիջեցին Արման Հովհաննիսյանին: Ողջույնի խոսքով հանդես եկավ նաև Ավետ Բարսեղյանը և ներկաներին լավ տրամադրություն ու հետաքրքիր ժամանց մաղթեց:

Մեկ-երկու երգ կատարելուց հետո Արմանը սկսեց շփվել հանդիսատեսի հետ`պատմելով իր ոճային փոփոխությունից: «Հիմա կասեք`էս ինչ թիթիզություն է անում. սկզբից թրաշ է պահում, հետո ջինս ու բոթաս հագնում: Բայց տեսեք՝ այսօր առիթին համապատասխան եմ հագնվել»,- կատակեց երգիչը`շարունակելով համերգային ծրագիրը:

Վառ լույսերն ու բարձր երաժշտությունը հանդիսատեսին ստիպում էին Արման Հովհաննիսյանի հետ բարձրաձայն երգել ու պարել:

Համերգի ընթացքում ելույթ ունեցավ նաև երգչուհի Անուշիկ Ալավերդյանը, ով առաջին անգամ բեմից ներկայացրեց իր նոր «Սերը սա է» երգը (խոսքերի հեղինակ`Ավետ Բարսեղյան, երաժշտությունը`Սոնա Ռուբինյանի և Անուշիկ Ալավերդյանի): Երեկոյին միացել էր նաև երգչուհի Նելլի Պողոսյանը, ով կատարեց իր «Մի, մի արի» երգը:

Տասնհինգ ձայնասկավառակ թողարկած երգիչը համերգի համար ընտրել էր լավագույնները. կային ինչպես տարիների ընթացքում թրծված ու հանդիսատեսի կողմից անգիր հիշվող, այնպես էլ այս ամառվա ընթացքում թողարկավծ նոր երգեր:

Ներկաների համար երգիչը անակնկալ էր պատրաստել՝ նոր երգի պրեմիերա: Կարճատև ընդմիջումից հետո Արմանը բեմ վերադառնալով`կատարեց իր նոր «Ընտանիք» երգը, որի խոսքերի հեղինակը Ավետ Բարսեղյանն է, իսկ երաժշտության ու գործիքավորման վրա աշխատել է երգիչ Կարեն Սևակը:

Համերգի վերջում էլ հանդիսատեսը Արմանի հետ ոտքի կանգնած երգեց «Տեր Աստված» երգը: Համերգը ավարտվեց ուրախ նոտայի վրա, ներկաները գոհ էին: «Համերգն, իրոք, լավ էր կազմակերպված: Մենք ընտանիքով ենք եկել: Հենց իմացանք համերգի մասին, փորձեցինք արագ տոմսերի հարցը լուծել»,- մեզ հետ իր տպավորություններով կիսվեց ներկաներից մեկը:

Հիշեցնենք, որ անցած տարվա վերջին Արման Հովհաննիսյանը՝ Արմենչիկի և Սուպեր Սաքոյի հետ միասին համերգային շրջագայությամբ հանդես էր գալիս ՌԴ-ի հայաշատ քաղաքներում:

Leave a Comment

Your email address will not be published.

ԲԱՑ ՉԹՈՂՆԵԼ

Most Popular

post-image
ՇոուՆյուզ Վիդեոներ

Ելենա Մալիշևան և Իվան Ուրգանտը կորոնավիրուսի թեմայով հումորային երգ են կատարել (տեսանյութ)

Ռուսական Առաջին ալիքի եթերով հեռարձակվող «Երեկոյան Ուրգանտ» թոք շոուի հաղորդավար Իվան Ուրգանտն իր հյուրերից մեկի՝ հեռուստահաղորդավարուհի Ելենա Մալիշևայի հետ ...
Ավելին
post-image
ՇոուՆյուզ

«Այո, ես «գնել եմ» ձայները». Ալսուն վերջապես խոստովանել է ողջ ճշմարտությունը

«Осторожно, Собчак!» հաղորդման շրջանակներում երգչուհի Ալսուն մեկնաբանել է «Голос.Дети» երաժշտական մրցույթի ընթացքում դստեր սկանդալը, որը շաբաթներ շարունակ քննարկվում էր...
Ավելին