Այս գիշեր Նյու Յորքում Ռիհաննան անցկացրել է իր Savage X Fenty բրենդի ցուցադրությունը։ Շոուին լրագրոգները գաղտնի են մտել, քանի որ միջոցառմանը լուսանկարիչների և օպերատորների մուտքը արգելված է եղել։ Խիստ կանոնները հասկանալի են, քանի որ սեպտեմբերի 20-ին շոուն կցուցադրվի Amazon Prime Video սթրիմինգային ծառայության միջոցով, և մինչ այդ կատարվող սփոյլերները աստղին բոլորովին հարկավոր չեն։
Լուսանկարներ անելու հնարավորություն եղել է միայն Կարմիր գորգի վրա, դե ինչ, այնտեղ նկարելու բան հաստատ եղել է։ Այդ երեկո Ռիհաննայի հյուրերն էին Բելլա և Ջիջի Հադիդները, Կարա Դելևինը, Հոլզին, Էշլի Բենսոնը, Էշլի Գրեմը, Ջոան Սմոլսը, Փերիս Հիլթոնը և շատ ուրիշներ։
Ռիհաննան իր հյուրերին նույնիսկ արգելել է երեկույթի ընթացքում սմարթֆոններից օգտվել։ Նախօրեին լուրեր էին տարածվել, որ հենց մուտքի մոտ նրանցից պետք է հավաքեին իրենց հեռախոսները։
