Ի՞նչ կա Օլգա Բուզովայի և Դավիթ Մանուկյանի միջև

«Հարցեր մեծերին» հեռուստածրագրի շրջանակներում Օլգա Բուզովան պատմել է իր «Լայքեր» տեսահոլովակում նկարահանված հայ բլոգրի՝ Դավիթ Մանուկյանի հետ իր հարաբերությունների մասին:

Օլգան անկեղծացել է՝ պատմելով, որ իր գործընկերների մեջ շատ են ազգությամբ հայ տղամարդիկ, որոնց տաքարյունությունն ու ուժեղ էներգետիկան հնարավոր չէ չսիրել, սակայն երգչուհին հավատացրել է, որ իր և հայ բլոգերի միջև գործնական հարաբերություններից բացի այլ բան չկա:

«Դավիթի հետ նկարահանման ընթացքում աշխատանքները հրաշալի էին։ Մեր միջև այնպիսի կապ ստեղծվեց, որ հնարավոր եղավ տեսահոլովակը նկարահանել ընդամենը մեկ օրում։ Բոլորիս համար ամեն բան ստացվեց հեշտ և միանգամից»,- պատմել է երգչուհին։

Այն հարցին՝ արդյոք Բուզովայի և Մանուկյանի միջև ինչ-որ սիրավեպ կա, լրագրողները ստացել են բացասակայն պատասխան: Բուզովան հավատացրել է, որ Դավիթի հետ նրանք պարզապես լավ ընկերներ են և հիանալի գործընկերներ, ովքեր հեշտ են լեզու գտնում ու միասին աշխատում են մեծ հաճույքով: