Բաքվում ձերբակալել են հայկական երգ լսող մեքենայի վարորդին: Այս մասին հայտնել են Բաքվի ոստիկանության գլխավոր վարչության մամուլի ծառայությունից։
Ավտոմեքենայում միացված է եղել Սպիտակցի Հայկոյի «Մի գնա» երգը:
«Ոստիկանության աշխատակիցներն անհետաձգելի օպերատիվ և որոնողական աշխատանքների արդյունքում պարզել են ավտոմեքենայում հայկական երգ լսող վարորդի ինքնությունը»,- ասված է Բաքվի ոստիկանության գլխավոր վարչության մամուլի ծառայության հայտարարության մեջ։
Ասվում է, որ այդ փաստով տարվում է հետաքննություն, ուսումնասիրվում են մանրամասները:
