Կայացավ աշխարհահռչակ Jamiroquai խմբի երևանյան մենահամերգը - Showbiz.am

Կայացավ աշխարհահռչակ Jamiroquai խմբի երևանյան մենահամերգը

By

Silk Note Festival-ի շրջանակում Հայաստանն առաջին անգամ հյուրընկալել է միակ և անկրկնելի Jamiroquai խմբին:

Եվ երեկ՝ նոյեմբերի 6-ին, արդեն տեղի ունեցավ խմբի երկար սպասված մենահամերգը։ Մարզահամերգային համալիրը՝ զինված ժամանակակից նորագույն տեխնիկաններով ու տեխնոլոգիաներով, ընդունեց հազարավոր երկրպագուների, ովքեր դեռ ամռանից էին սպասում խմբի հայաստանյան մենահամերգին։

Հայ երկրպագուների համար այս հնարավորությունը ստեղծվել էր «Իմ քայլը» բարեգործական հիմնադրամի և «Մշակութային տուրիզմի զարգացման միջազգային ասոցիացիա» հասարակական կազմակերպության ջանքերի շնորհիվ:

Համերգի ընթացքում հիմնականում հնչեցին Jamiroquai-ի Automation ալբոմի երգերը, որոնց մեջ հատկապես առանձնանում էին հիթ դարձած We can do it, Summer girl, Cloud 9, Carla երգերը։ Այնպես որ, Ջեյ Քեյը երկրպագուներին ուրախացրեց ինչպես այս՝ համեմատաբար նոր երգերով, այնպես էլ հին ալբոմների շատ հայտնի ու սիրված հիթերով:

Դահլիճը ամբողջ երեկոյի ընթացքում չդադարեց երգել և պարել, ձայնակցում էին անգամ նրանք, ովքեր այդքան էլ ծանոթ չէին խմբի երգերին ու երգացանկին (ես էլ բացառություն չէի)։

Ի դեպ, համերգին ներկա էր նաև վարչապետ Նիկոլ Փաշինյանը՝ ընտանիքի հետ միասին։

Նշենք, որ Silk Note Festival-ի շրջանակում 1-ին անգամ համերգով հանդես կգան նաև The Parov Stelar Band-ն ու ամերիկացի վիրտուոզ կիթառահար Al Di Meola-ն, որոնց համերգները տեղի կունենան համապատասխանաբար՝ նոյեմբերի 8-ին և 10-ին ՄՀՀ-ում։

Վոկալիստ Ջեյ Քեյի կողմից 1992թ․ ստեղծված և future funk ոճում հանդես եկող Jamiroquai խումբը երաժշտական աշխարհը փոթորկեց՝ դառնալով մոլորակի ամենահաջողակ կատարողներից մեկը:
1993-ին խմբի առաջին՝ Emergency on Planet Earth ալբոմի լույսընծայումից հետո, Jamiroquai-ն յուրատեսակ կերպով ամփոփեց ժամանակակից փոփ երաժշտությունը՝ դառնալով մերօրյա վառ արտիստներից շատերի համար իսկական հեղինակություն:


Jamiroquai-ի երկրպագուների թվում են Chance the Rapper-ը, Pharrell-ը, Tyler the Creator-ը, Jungle-ը, Redman & The Internet-ը։ Խումբը պատմական ելույթներ է ունեցել Սթիվի Ուանդերի և Դայանա Ռոսի հետ, հետևողական կերպով ապացուցելով, որ Jamiroquai-ն մեր ժամանակների մոլորակի ամենահեղինակավոր երաժշտական նորարարներից է:
Խմբի ավելի քան 7 ալբոմները հայտնվել են Միացյալ Թագավորության երաժշտական թոփ 10-յակներում (դրանցից երեքը հայտնվել են առաջին տեղում): «Գրեմմիի» դափնեկիր և «Բրիտս» մրցանակի առաջադրված խումբն աշխարհում վաճառել է ավելի քան 26 միլիոն ալբոմ, գրանցվել Գինեսի ռեկորդների գրքում՝ բոլոր ժամանակների ամենավաճառված ֆանկ ալբոմի համար:

Նյութը՝ Լուս Ավագյանի

Leave a Comment

Your email address will not be published.

ԲԱՑ ՉԹՈՂՆԵԼ

ԲԱՑ ՉԹՈՂՆԵԼ

post-image
ՇոուՆյուզ

«Առաջնագծում այլ կերպ ես տանում կորստի լուրը». Գնել Սարգսյանը՝ տուն վերադառնալու և Հովհաննես Հաջինյանի զոհվելու լուրը ստանալու մասին

Դերասան Գնել Սարգսյանն օրեր առաջ հայտնել էր, որ սպասում է ճակատ մեկնելու հրամանին: Մեկնելիս, սակայն, նա որևէ գրառում չէր...
Ավելին
post-image
ՇոուՆյուզ

Շուշիի Սբ Ղազանչեցոցում այսօր պսակադրված տղան «Հումորի լիգայից» Հովհաննես Հովսեփյանն է

Շուշիի Սուրբ Ղազանչեցոց մայր տաճարում հրետկոծությունից հետո այսօր պսակադրության արարողություն է եղել, որի լուսանկարները մեծ թափով տարածվում են համացանցում:...
Ավելին
post-image
ՇոուՆյուզ

«Քանի դեռ մեզնից շատերը ձեռքերը ծալած նստած են, Թրամփի ընկեր Էրդողանը հայերին սպանում է»․ Շոն Պեն

Արցախում տեղի ունեցող զարգացումներին հետևում են ոչ միայն արտերկրում մեր հայտնի հայրենակիցները, ովքեր իրենց պատմական հայրենիքին օգնում են ոչ...
Ավելին
post-image
ՇոուՆյուզ

«Թիկունքից մինչև առաջնագիծ Աստծով ու հավատքով հաղթելու ենք: Հաղթում ենք»․ դերասան Կարո Հովհաննիսյանը նույնպես Արցախում է (լուսանկար)

Դերասան Կարո Հովհաննիսյանը սոցցանցային իր էջերում լուսանկարներ է հրապարակել Շուշիի սուրբ Ղազանչեցոց եկեղեցուց և մակագրել. «Թիկունքից մինչև առաջնագիծ Աստծով...
Ավելին