«Ժանգ» ֆիլմի նկարահանման հրապարակում օպերատոր Գալինա Հաթչինսի սպանության գործով առաջին դատավճիռն է հրապարակվել ։ Հրացանագործը ստացել է 18 ամսվա ազատազրկում։
26-ամյա Հաննա Գուտիերես-Ռիդը ողբերգության օրը՝ 2021 թվականի հոկտեմբերի 21-ին, պատասխանատու է եղել հրազենի համար: Նա խառնել է պարկուճները և դերասան Ալեք Բոլդուինին դատարկ փամփուշտների փոխարեն իրական զինամթերք է տվել: Արդյունքում մահացել է օպերատորը, իսկ ֆիլմի ռեժիսոր Ջոել Սոուզան վիրավորվել է։
Աղջիկը ստացել է առավելագույն պատիժ և ներկայումս մեկ ամիս անցկացրել է կալանքի տակ, հաղորդում է Fox News-ը։ Հաննա Գուտիերես-Ռիդի պաշտպանությունը հիմնվում էր այն փաստի վրա, որ նա երիտասարդ էր և նախկինում դատվածություն չուներ, ինչպես նաև խնամում էր քաղցկեղով հիվանդ հորը: Բայց դատարանը սա համոզիչ չի համարել։
«Եթե դու չլինեիր, ամուսինը կունենար կին, իսկ փոքրիկը մայր կունենար», – դատավոր Մերի Մարլոու Զոմերը հրապարակել է վճիռը: Ենթադրվում է, որ դատավճռի վրա ազդել է նաև Հաննա Գուտիերես-Ռիդի կողմից զղջման բացակայությունը:
Ավելին, արձանագրությունը ներառում էր հեռախոսային խոսակցությունների ձայնագրություններ, որոնցում Հաննան կոպիտ կերպով մեղադրում էր երդվյալ ատենակալներին անգործունակության մեջ։ Հոլիվուդյան աստղ Ալեք Բոլդուինը հուլիսին կկանգնի Գալինա Հաթչինսի սպանության մեղադրանքով։
